రామన్నపేటలో కూరగాయల సాగును పరిశీలించిన కలెక్టర్ గరిమ అగర్వాల్

బోయినిపల్లి మండలం రామన్నపేటకు చెందిన ఆదర్శ రైతు మిట్టపల్లి కమలాకర్ రెడ్డి నాలుగు ఎకరాల్లో మల్చింగ్ మరియు డ్రిప్ విధానాలతో బూడిద గుమ్మడి, రాస గుమ్మడి, మిర్చి, బీరకాయ సాగు చేసి అధిక ఆదాయం పొందుతున్నారు. ఈ వ్యవసాయ క్షేత్రాన్ని మంగళవారం రాజన్న సిరిసిల్ల జిల్లా కలెక్టర్ గరిమ అగర్వాల్ పరిశీలించి రైతును అభినందించారు. ఇతర రైతులు కూడా మార్కెట్ డిమాండ్ ఉన్న ప్రత్యామ్నాయ పంటలను సాగు చేయాలని కలెక్టర్ సూచించారు. ఈ కార్యక్రమంలో జిల్లా వ్యవసాయ శాఖ ఆఫీసర్ అఫ్జల్ బేగం, ఉద్యానవన శాఖ ఆఫీసర్ శరత్ బాబు పాల్గొన్నారు.