రాజన్న సిరిసిల్ల జిల్లాలో కొత్త బోర్ల తవ్వకానికి తహశీల్దార్ అనుమతి తప్పనిసరి

భూగర్భ జలాలు పడిపోతుండటం, సూపర్ ఎల్ నినో పరిస్థితుల దృష్ట్యా వాల్టా చట్టం ప్రకారం కొత్త బోరుబావులు వేయడానికి స్థానిక తహశీల్దార్ ముందస్తు అనుమతి తప్పనిసరి అని జిల్లా కలెక్టర్ గరిమా అగర్వాల్ ప్రకటించారు. ప్రస్తుతం కొత్త బోరుబావులకు కేవలం తాగునీటి అవసరాల కోసమే అనుమతి ఉందని, వ్యవసాయానికి పూర్తిగా నిషేధించామని తెలిపారు. బోరుబావుల యజమానులు IDOCలోని భూగర్భ జల శాఖ కార్యాలయంలో రిజిస్టర్ చేసుకోవాలని, వేసిన బోరుబావుల వివరాలపై ప్రతి వారం నివేదికలు ఇవ్వాలని సూచించారు. బోయినపల్లి మండలంలో నమోదైన భూగర్భ జలమట్టం 4.78 మీటర్లుగా ఉంది.