సిరిసిల్లలో దీపావళి టపాసుల విక్రయాలపై ఆర్డీవో హెచ్చరికలు

రాజన్న సిరిసిల్ల జిల్లా కేంద్రంలోని మానేరు నది ఒడ్డున ఏర్పాటు చేసే దీపావళి టపాసుల దుకాణాల యజమానులు నిబంధనలు పాటించాలని ఆర్డీవో శ్రీధర్ బాబు సూచించారు. టపాసులను అధిక ధరలకు విక్రయిస్తే చర్యలు తీసుకుంటామని హెచ్చరించారు. అగ్నిప్రమాదాలు జరగకుండా ముందస్తు జాగ్రత్తలు తీసుకోవాలని, సంబంధిత శాఖల నుంచి అన్ని అనుమతులు పొందిన తర్వాతే దుకాణాలు ఏర్పాటు చేసుకోవాలని స్పష్టం చేశారు. ఈ సమావేశంలో స్టేషన్ ఫైర్ ఆఫీసర్ నరేందర్, కమర్షియల్ టాక్స్ ఇన్‌స్పెక్టర్ కిరణ్ పాల్గొన్నారు.